News

هام جدا


*** هام جدا ***

——————-

نقطتين مهمين جدا للعلم والإحاطة:

النقطه الأولى: كنا ومازلنا بنأكد على أهمية الإطلاع على بيدجرى الكلب قبل إقتناؤه، والتأكد من نقل ملكية الكلب فى البيدجرى بإسم المالك الجديد (المقتنى) كشرط إتمام عملية الإقتناء.

وفى حالة إستيراد كلب من الخارج، يجب وجود إكسبورت بيدجرى (شهادة نسب تصديرية) ودى اللى بتصدر لما يكون المالك الجديد للكلب (المقتنى) أجنبى وعنوانه خارج الدولة المسجل بها الكلب، وده بيكون الإثبات الوحيد لملكية الكلب وبالبيدجرى دى فقط بتقدر تسجل كلبك فى ال EKF وتسجل خلفه وتطلعلهمبيدجريهات.

ملحوظه: لو هاتقتنى كلب من بولندا، لازم تخلى بالك إن مالك الكلب البولندى يعملك إكسبورت بيدجرى بنفسه، لإن قواعد إصدار الإكسبورت بيدجرى الجديده عندهم دلوقتى بتنص على إن مالك الكلب البولندى فقط هو اللى له الحق إنه يستخرج إكسبورت بيدجرى لكلبه، ومحدش هايقدر يساعدك نهائيا لو ماتأكدش من حصولك على الإكسبورت بيدجرى لكلبك بإسمك من مالك الكلب البولندى قبل ماتتمم عملية الإقتناء.

 

النقطه التانيه: فى حالة رغبتك إنك تجوز كلبتك لذكر من بره مصر يعنى مش مسجل فى ال EKF لازم تتأكد من الآتى:

١- إن الكلب يكون معاه بيدجرى صادره من أى دوله من الدول الأعضاء فى ال FCI

٢- لازم تقدم "أصل" إستمارة التزاوج الدوليه ممضيه من صاحب الذكر الطلوقه ومختومه بختم الكينل كلوب (النادى الوطنى الخاص ببلده وعضو ال FCI)

٣- صوره من بيدجرى الذكر الطلوقه

ملحوظه: فيما يخص شهادة الطلائق الخاصه بالچيرمن شيبرد الصادره من نادى الچيرمن شيبرد الألمانى ال SV وضحنا قبل كده أنه لن يتم قبول هذه الشهادات مطلقا إعتبارا من ١٨ مايو ٢٠١٨ وهو تاريخ فسخ مذكرة التفاهم بين ال FCI و ال WUSV وعليه بنأكد للمره الأخيره أنه علشان تقدر تسجل خلفة جوازه زى دى، لازم تقدم أصل إستمارة التزاوج الدوليه ممضيه من صاحب الذكر ومختومه بختم ال VDH وأنه لن يتم التهاون بهذه القاعده مطلقا بعد الآن، وده لإن للأسف فى بعضالأعضاء إستغلوا خوف ال EKF وحرصها الشديد على مصالحهم والحفاظ على إستثماراتهم فى إنهم يصروا على عدم الإلتزام بقاعدة إستمارة التزاوج الدوليه المطلوبه من كل السلالات.

برجاء الأخذ فى الإعتبار أهمية المنشور،،،

.

Our Parteners