News

خدمات جديده على الويب سايت


لخدمة الساده الأعضاء فى الظروف الصعبه اللى بنمر بيها، كنا على طول بنفكر إزاى نقدر نساعد أعضائنا وعليه وصلنا للفكره دى اللى نتمنى تعجبكم:
١- أولا: ال EKF Marketplace ماركت بليس:
كنا بنفكر إزاى نساعد الساده الأعضاء المنتجين من تسويق إنتاجهم اللى بيتعبوا فيه، ووصلنا إن إحنا نعملهم منصة عرض إلكترونيه متطوره وسهله وبسيطه وفى نفس الوقت رسميه من خلال الموقع الرسمى لل EKF يقدروا من خلالها رفع صور إنتاجهم وبياناتهم وأهاليهم وكمان هيكون فيها نبذه عن العضو المنتج وعرض كل البيانات دى من خلال محرك بحث متطور وبسيط جدا يساعد ويسهل على اللى بيدور على إقتناء كلب جديد إنه يلاقى اللى بيدور عليه وكمان يوصل للعضو المنتج وطبعا كل البيانات الموجوده هاتكون مراجعه ومعتمده قبل ماتظهر على الموقع.
وطبعا دى هاتكون الخدمه الأولى بعد كده هايكون فى خدمات أكتر على الماركت بليس.
٢- ثانيا: ال EKF Shop شوب:
كنا بنفكر إزاى نشجع الساده الأعضاء أصحاب الصناعات الصغيره اللى بتخص مجال الكلاب فوصلنا إن أحنا نعملهم سوق إلكترونى على موقع ال EKF ونشجعهم إن أفكارهم وإبتكاراتهم وعمايل إيدهم تخرج للنور ويكون لها مكان فى السوق ونساعدهم يكبروا ويطورا من إنتاجهم لحد مايوصلوا للتصدير إن شاء الله.
* لو الفكره عجبتكم وحابين تشاركوا معانا تقدروا تتواصلوا معانا وتبعتولنا آرائكم ومقترحاتكم فى رسايل على صفحتنا على الفيس بوك أو من خلال الإيميلات الرسميه:
ekf.secretary@gmail.com
info@ekf-eg.com

 

 

.

Our Parteners