News

إزاى تعلن عن كلبك على الويب سايت

علشان الساده الأعضاء يقدروا يستفيدوا من خدمة الإعلان على الويب سايت من خلال المتجر اللى إتصمم مخصوص علشان خدمتهم. فى حالة التسجيل (الساين أب) سواء بالفيس بوك أو بالجوجل ميل، لازم العضو يدخل باقى البيانات المطلوبه بعد كده زى صورة كارنيه العضويه المجدد طبعا، والمحافظه والمدينه وده علشان بروفايل العضو يتفعل ونقدر نربط العضو بإسمه على قاعدة البيانات اللى بيها بيلاقى كل كلابه موجوده فى البروفايل بتاعه وكمان إعلاناته تكون موجهه بشكل مظبوط علشان يلاقى أفضل إستفاده منها.

إحنا هدفنا إن جميع الساده الأعضاء تسجل وتستفيد بالخدمه المتاحه حاليا لإن خطوتنا اللى جايه إن العضو هايقدر يدخل على بروفايله على الويب سايت ويسجل خلف كلابه أو ينقل ملكيتها أو حتى يشتركلها فى المسابقات وكمان يدفع أونلاين وهو فى البيت، وده علشان نسهل عليه جميع الإجراءات الإداريه الممكنه اللى مابتستدعيش حضوره للمكتب. 

محتاجين دعم الساده الأعضاء المحترمين فى إنهم يقفوا ورانا ويثبتولنا إن أى إستثمار وتطوير إحنا بنحاول نطبقه لخدمتهم بيلاقى صدى وإستجابه عندهم، وهنكون سعداء جدا بإستقبال مشاركاتهم وإقتراحاتهم وكمان علشان يدونا دفعه إن إحنا نستمر فى التقدم والتطوير.

مع خالص تمنياتنا القلبيه بالتوفيق ،،،

 

 

 

.

Our Parteners